Para os clientes máis madrugadores houbo recibimento especial. Fixeran cola para mercar nunha das marcas que se estrean en Vigo.
"Deixei a nena no cole e vin", di unha delas.
Ás once da mañá xa se vían os corredores animados por curiosos e compradores.
Ten cen tendas, das que o trinta por cento son novas en Vigo.
Ese é un atractivo comercial. Outro é que crea no centro da cidade un espazo público enriba da estación de ferrocarril e ao pé da de autobuses, que está previsto que entre en funcionamento a final de ano.
A empresa que construíu e xestiona Vialia con atraer a dez millóns de visitantes anualmente.
“A proposta é crear oferta comercial no centro da cidade“
O director de márketing, Daniel Lorenzo, di que a proposta é "non crear só oferta comercial nas afóras, senón tamén potenciar o centro da cidade".
Centros comerciais e comercio local, o caso da Coruña
En obras
Centos de operarios seguen traballando na zona onde se colocou a entrada da vella estación e se constrúe o acceso directo dende a autoestrada.
Con Vialia, moitos pequenos negocios trasladáronse a esa zona, ata agora sen atractivo comercial.
Cun deseño do arquitecto norteamericano Thom Mayne, os comercios ocupan un terzo do construído, no que destaca a gran praza pública que mira á ría.